Mizo hnahthlak hnam rolung mual, hranghlui te nghilh loh nan
Login
Username

Thuruk



Member la ni lo tan
HETAH hian in register tur.

Thuruk theihnghilh tan
HETAH hian a thar dil tur.
Users Online
Guests Online: 2

Members Online: 0

Total Members: 26
Like Our Page
Welcome
'A sakhmingah Hlakungpui an sa, Zofate Hnam rolung Mual ni zel turin' tih loh rual a ni lo. Zo hnahthlak impumkhat tulzia hria leh mutmawh hnarmawha neite tan chuan an rilru dek zartute mitthla leh suangtuahnate hmun khata luan khawmtirtu "Mizo Hlakungpui Mual" hi a vul zel dawn. Mithiam , mifing, hawizau leh thil thlir thiam apiangin an hlut a, an rilru lumtu a ni zel. A hmun ngei a mita hmutu leh belchiangte chuan Khuanu'n kan ram tlang panga zofate rilrem leh lungkuai tur thing leh mau pangpar chitinte, tlang dung kham rang thliar sing sengte'n kan thu leh hla ril a lo par chhuahpui dan chu tupa fa mahin an hai lawng nge. Chung zawng zawng chu tawngkaa sawi mai leh ziaka dah satliah mai chuan a thlarau chang ve lote a kaiharh zo lo fo. Chutiang ho thlarau kaiharh tur leh a thangharhsate nun chawk tho leh zual tur chuan he "MIZO HLAKUNGPUI MUAL" hi Mizo hnahthlak hnam rolung mual atan din a lo ni ta a ni.

A TOBUL: Mizo fate ngei mai mihuaisen, tlawmngai, rinawm leh ropui an piang chhuakin, thu leh hla-ah pawh an lo piang chhuak ve ta zel bawk a. A bik takin thu leh hla lama hrang hlui, pasal tha, sul min lo sutsaktute hi an pawimawhin, hun lo la kal zel tur atan pawh ngaihhlut leh chawimawi an phu a ngaiin Khawbung Branch YMA chuan 'engtianga hma lak tur nge ni ang' tih a ngaihtuah ta a. Dt.13.01.1983 zana Khawbung Branch YMA Committee chuan Committee thinlunga lo riak tawh chu kai harhin Thu leh Hla-a hranghlui pasalthate chawimawi chungchang chu Agenda-a neiin ngaihtuah tan a ni ta a. Committee chuan ngun taka ngaihtuahin thu leh hlaa Mizo pasaltha, hranghluite chawimawina lungphun leh an tana hmun buatsaih chu tha hlea ngaiin lungrual takin pawm tlan a ni a. A hmasa ber atan Khawbung khawchhuak pahnih - Hlakungpui-te Pu Patea leh Pu Damhauva-te chu bultan nan hman nise tiin rel a ni a. Ni 16.9.1983 leh ni 28.10.1983-ah an chhungte phalna lak fel a nih thu Committee-ah thlen a ni (An ruh pawh seng luh a ni). Hemi tipuitling tura hmalakna hi Khawbung Branch YMA leh a khawchhuakte'n neituchan changin bul tan a ni a. Kum 1986 April 7 & 8-ah Hlakungpui-te chawimawina lungphun a ni.

THILTUM: Mizo fate - hnam leh thlah thumhmun kan nihna ang a, ram bik kan neih chhung leh pawn lama mite tana kan hnam rohlu Thu leh Hlaa pasaltha leh hranghluite chawimawi leh an tana hmun bik ruat/siam a ni a. Hetah hian kum 10 dan emaw, Silver/Golden Jubilee etc., hun bik remchang anga chawimawina siam thin tur a ni. Tin, Hlakungpui Mualah hian Mizo fa/Mizo hnahthlak tawh phawt chu chawimawitlaka kaihhruainain a ruat leh phalte chu chawimawi zel tur a ni a; chuvangin 'Mizo Hlakungpui Mual' tih a ni. Mizo Hlakungpui mual hi tunah Khawbung Branch YMA-in a enkawlna chungchangah mawh latu ni mah se, Mizo tawh phawt, a neitu a piang ta a ni tih hi Mizo mipui zawng zawngin hria ila. Mizo thu leh hla-a pasaltha kan neih Mizoram leh khawvel hriata kan phochhuah a, kan chawimawi a; kan hlut tlan theuh hi Mizo fa tawh phawt chuan kan mawhphurhna a ni e.


LENGKHAWM ZAI INTIHSIAK

Posted by -Sama on January 26 2016
News

Mizo Hlakungpui Mual thawh 5-na chu Dt.6 - 8 April, 2016 hian neih a ni dawn a. Inbuatsaihna kalpui chhoh mek zel a ni a. Hlakungpui thawh 5-na denchhen hian Lengkhawm zai intihsiakna neih a ni dawn a, group hrang hrangah inthen darh a ni a. Aizawl, Lunglei leh Champhai lam atang pawhin tel thei an awm chuan beisei an ni.




SENGLUH THAR TUR TE LUNG PHUNNA TUR SIAM

Posted by -Sama on January 17 2016
News

Mizo Hlakungpui Mual thawh 5-na, April 6 - 8, 2016-a neih tur atana sengluh thar tur te chawimawina lung phunna tur siam chhoh mek a ni a. January thla chhunga siam zawh hman tum a ni. Sawi tawh angin thawh 5-na ah hian Pu R.Vanlawma, Pu James Dokhuma leh Pi Lalsangzuali Sailo te sengluh an ni dawn a ni.

News Images: 12552799_1070787156307245_3840863900091404482_n.jpg




TOURIST LODGE HLAN FEL

Posted by -Sama on January 15 2016
News

Tourism department chuan Khawbung Tourist Lodge chu Khawbung Branch YMA kutah Dt.15.12.2015 khan a hlan fel ta a. Mizo Hlakungpui Mual committee in a enkawl zui dawn ta a ni. Khawbung leh a chhehvela pipu sulhnu hlui te enduh tan Khawbung a riah a remchang hle a. Khawbung atang hian Pipu hmun hmingthang hrang hrang te lehlang a en theih vek a nih avangin a nachang hria te chuan Khawbung hi center a hmangin hun an hmang fo thin a ni.




Hlakungpui Silver Jubilee

Posted by -Sama on December 15 2015
News




Hlakungpui Silver Jubillee Inbuatsaihna

Posted by -Sama on December 09 2015
News

Hlakungpui Silver Jubilee kan hman zawh tak a kan inbuatsaihna video hrang hrang te en duh tan en theih a ni e.