Hlakungpui Luahtute(Thawh khat na) | Mizo Hlakungpui Mual

A hnuaia mi hi Hlakungpui luahtute, a phun dan indawta rem a ni. Chawimawina Lungphun a thawh khatna hi kum 1986 April ni 6 & 7-a an ruh nena seng luh - Patea leh Damhauhva chawimawina lung phun a ni.

Patea(1894 - 1950)

Patea hian hla 55 a phuah a, a hla thluk leh a thute hi Mizo lungkuai leh Mizo ze rem tak niin chhuan lo la awm zel turah pawh a hming hi a chuai tawh lovang. Fakna leh vanram lam ngaihna hla a phuah chhuak a ni.
Pangpar chi hrang hrang uai lova an vul reng a, Arsite an det chiai a, eng chi dang dang lanna leh Rinna Hla phuahtu a ni a. danglam leh ril takin -

"Ka lawmna tuifinriat angin a liam a,
Thih lui kamah zaiin I hming ka fak ang." ti thei a ni. Mizo Kristian Hlaphuahtu hmasa ber a ni a. Varparh arsi anga eng takin a lang zel tawh ang.

Damhauhva (1909-1972)

Damhauhva hian hla 51 phuahin khuarel pangpar mawina leh hring-fate lunglenna hla thu mawi taka dah chhuak thiam, a thu phawk chhuak tura a thluk mawi tak siam thin a ni. Nun hlui mual liam tawhte lung leng taka thlirin, hla mawi takin a phuah chhuak a. He hring nun hi thlahlel taka a chawisan thin avangin hriatreng a hlawh dawn a ni.

"Hnutiang hmatiang ka dawn changin,
Dar tui ang ka luang ral tur hi;
Lung a awi lo ve." tih ziah a ni.