Hlakungpui Luahtute(Thawh hnih na) | Mizo Hlakungpui Mual

Click here to view English Section

MIZO HLAKUNGPUI MUAL LUAHTUTE
THAWH HNIH NA

A hnuaia mi hi Hlakungpui luahtute, a phun dan indawta rem a ni. Chawimawina lungphun thawh hnihna hi kum 1996-a seng luhte an ni a. Patea leh Damhauhva chawimawina lungrem atanga a indawt dan anga rem thlak a ni.

HLAPHUAH THIAM TE

THU ZIAK MI TE

Laithangpuia (1885 - 1937)

Mitdel ni chunga mit varte aia Pathian hmu fiah, Mizo hla phuahtu dangte ang lo taka nun hlui ziaa Kristian hla tha tak tak phuahtu a ni.

Kaphleia (1910 - 1940)

Mizo Novel hmasa Hawilopari, thawnthu tawi hmasa Pari, thawnthu tawi hmasa phuah lama hma hruaitu zinga mi,kan hriat reng tur a ni.

Lalzova (1924 - 1945)

Nula leh tlangval inkar inhmangaih tawnna leng vel hlaa runthlak taka phuah thiam, an thinlung ril ber an leih buakna hlate phuahtu a ni.

L.Biakliana (1918 - 1940)

Mizo Essay hmasa "Thlirtu", Mizo Novel hmasa "Chhingpuii" ziaktu, hla phuah thiam Zofate thinlungah a nung reng ang.

Saihnuna (1896 - 1949)

Mizo Lengkhawm hla phuahtu hmingthang, a mihring puite rumna chanpui a, tahnate hlaa phuah thiam a a ni.

Lalzuithanga (1916 - 1950)

Mizo Novel hmasa Thlahrang leh Phira leh Ngurthanpari phuahtu Lemziak thiam, Drama ziak leh Chan thiam a ni.

Lalawithangpa (1885 - 1949)

Mizo nun hlui hla phuah kawnga hnu khartu, hla thute mawi leh pawimawh, no taka hmang thiam chungchuang, nung reng tur a ni.

C.Thuamluia (1922 - 1959)

Mizo thawnthu tawi leh Essay Ziak thiam, Mizo thawnthu Sialton Official ziaktu, Mizo tawng mawi leh ngaihno bei taka hmang thiam a ni.

R.L.Kamlala (1902 - 1965)

Mizo Kristian hla phuahtu ropui, hreawmna leh lungngaihna ram atanga beiseina enga vanram min thlnrtirtu a ni.

Rev. Liangkhaia (1985 - 1979)

Mizo History ziak hmasa, Kohhran mamawh lehkhabu tam fe Ziaktu, Hriatna lama Zofate tibengvartu a ni.

Rokunga (1914 - 1969)

Kaihlek leh Lengzem hlate Kristianna nen a insut laia thalaite thawpikna hlaa thawi dam a, Mizoram nun leh thilte ngaihsan kawnga hlaa kai harhtu, Zoram hi Chhawrpial runa chantirtu a ni.

J.F.Laldailova (1925 - 1979)

Lehkhabu lehlin hmanga Zofate Chbwmtu, Mizo tawng dik ngaina, chanchinbu enkawltu tha, Dictionary rotling siamtu a ni.

Vankhama (1906 - 1970)

Zoram mawinate, len lai hun Hlutzia leh nungchate hlaa tah Lutin mawi takin a phuah a, Zoram pangpar mawizia thlenga puangtu, hla phuahtu hmingthang a ni. Amah avang hian Zoram chuan Rimawi Ram a lo pu ta a ni.

Capt.C.Khuma (1934 - 1994)

Maymyo Sanapui thawnthu leh a dangte Zoram pawn atanga thahnemngai taka phuah thin kan theihnghilh phal loh tur a ni.

Suakliana (1885 - 1937)

Mitdel a nih avanga thim nen inbuan reng, a hlaah pawh ngainat hlawh taka puang chhuak thiam leh Zoram buai avanga khaw khawm thu mi pui rilru khawih tak hlaa au chhuahpuitu a ni.

Siamkima (1938 - 1992)

Ram fan bu leh fakselna lama Zofate mit tikutu leh sulsutu pawimawh tak a ni a. Kan thinlungah a nung reng ang.

Liandala (1901 - 1980)

Hla chul thei lo Pi Pu chhuahtlang hlui hmanga hmanlai Mizo nun pho ibr a, "kan tlang ram par vulna" tih hla hmanga Zoram chu 'Pangpbr huan' anga puangtu a ni.

K.Zawla (1903 - 1994)

Thangtharte'n Mizo nun hlui an theihnghilh mai loh nana hlan chhawngtu tangkai tak an ni.

C.Z.Huala (1903 - 1994)

Vanram ngaihna thu ken laipuia neiin Mizo Kristian hla phuahtu lar tak a ni a,a hla tel lo hian Zofate hi an tlei lo tih theih hiala ni.

K.C.Lalvunga (1929 - 1994)

Novel leh Essay ziak thiam, Zofate Hmasawnna tur leh thu leh hlaa Tiharhtu Arsi eng tak a ni.