Kum 1903 khan Khawkawi khua chuan Khârzâwl chul an rît a, chumi kum a piang an fapa chu Lamchhînga leh Chawnghnûni te chuan a hming atân Khârzâwla an ti a. A hming putuin a duh danin K.Zâwla tih a ni ta zêl a.
Kum 1918-ah K.Zâwla chuan Lower Primary a zo va, Boys’ ME sikul zo lehin Silchara-ah Matric a zo leh a. Indopui laiin V.Force Clerk hna a thawk a. Chumi hnuin Boys’ Middle Schoolah zitirtu hna 1962 thleng a thawk a. 1963-1972 thleng Republic High School-ah zirtirtu a ni. High School-a a thawh lai hian Mizo Pi Pute leh An Thlahte Chanchin a ziak a. Chu lehkhabu chu tum 6 lai chhut nawn a ni tawh. Pipute chenna leh an ro, Mizo tawng Grammar, Helps to the study of English II pawh a siam.
Mizo chanchin chhui mi, a chhui anga ziaka min hnutchhiahtu K.Zawla hi February 8,1994 khan Mission Venga ama chênna inah a boral.
