Patea(1894 - 1950)
Patea hian hla 55 a phuah a, a hla thluk leh a thute hi Mizo lungkuai leh Mizo ze rem tak niin chhuan lo la awm zel turah pawh a hming hi a chuai tawh lovang. Fakna leh vanram lam ngaihna hla a phuah chhuak a ni.
Pangpar chi hrang hrang uan lova an vul reng a, Arsite an det chiai a, eng chi dang dang lanna leh Rinna Hla phuahtu a ni a. danglam leh ril takin -

"Ka lawmna tuifinriat angin a liam a,
Thih lui kamah zaiin I hming ka fak ang." ti thei a ni. Mizo Kristian Hlaphuahtu hmasa ber a ni a. Varparh arsi anga eng takin a lang zel tawh ang.

Laithangpuia (1885 - 1937)
Mitdel ni chunga mit varte aia Pathian hmu fiah, Mizo hla phuahtu dangte ang lo taka nun hlui ziaa Kristian hla tha tak tak phuahtu a ni.

Lalzova (1924 - 1945)
Nula leh tlangval inkar inhmangaih tawnna leng vel hlaa runthlak taka phuah thiam, an thinlung ril ber an leih buakna hlate phuahtu a ni.

Saihnuna (1896 - 1949)
Mizo Lengkhawm hla phuahtu hmingthang, a mihring puite rumna chanpui a, tahnate hlaa phuah thiam a a ni.

Lalawithangpa (1885 - 1949)
Mizo nun hlui hla phuah kawnga hnu khartu, hla thute mawi leh pawimawh, no taka hmang thiam chungchuang, nung reng tur a ni.

R.L.Kamlala (1902 - 1965)
Mizo Kristian hla phuahtu ropui, hreawmna leh lungngaihna ram atanga beiseina enga vanram min thlnrtirtu a ni.

Rokunga (1914 - 1969)
Kaihlek leh Lengzem hlate Kristianna nen a insut laia thalaite thawpikna hlaa thawi dam a, Mizoram nun leh thilte ngaihsan kawnga hlaa kai harhtu, Zoram hi Chhawrpial runa chantirtu a ni.

Vankhama (1906 - 1970)
Zoram mawinate, len lai hun Hlutzia leh nungchate hlaa tah Lutin mawi takin a phuah a, Zoram pangpar mawizia thlenga puangtu, hla phuahtu hmingthang a ni. Amah avang hian Zoram chuan Rimawi Ram a lo pu ta a ni.

Suakliana (1885 - 1937)
Mitdel a nih avanga thim nen inbuan reng, a hlaah pawh ngainat hlawh taka puang chhuak thiam leh Zoram buai avanga khaw khawm thu mi pui rilru khawih tak hlaa au chhuahpuitu a ni.

Liandala (1901 - 1980)
Hla chul thei lo Pi Pu chhuahtlang hlui hmanga hmanlai Mizo nun pho ibr a, "kan tlang ram par vulna" tih hla hmanga Zoram chu 'Pangpbr huan' anga puangtu a ni.

C.Z.Huala (1903 - 1994)
Vanram ngaihna thu ken laipuia neiin Mizo Kristian hla phuahtu lar tak a ni a,a hla tel lo hian Zofate hi an tlei lo tih theih hiala ni.

Zasiama (1900 - 1953)
Zofate rilrem zâwng taka hla phuah thiam, lungngaihna ata lâwmna, hlauhna ata muanna, thim ata ênga luhna thute phuahtu a ni.

Vanmawia (1922 - 1980)
Hlapui mawi taka phuahtu a ni a.Vânram chu thlen chakawm em em a puangin:
Ram êng mawi tak chu a awm,
Tlansâte lênna ram nuam. ti meuh va hla chul thei lo phuahtu a ni.

Râlngama (1907-1981)
Lusûnna leh hring nun khawvel atanga vanram ngaih hla tha tak phuah thiam, Krismas hla chul thei lo phuahtu a ni a. Zofate theihnghilh phal loh tur a ni.

Siamliana (1894 - 1962)
Vanram chu puan vâr sin mipui tam tak, tuma chhiar sên lohte lênna a nihzia te, Pathian chu Alpha leh Omega a nih dan te hlaa puang chhuaktu, hriatreng hlawh tur a ni.

Laltanpuia (1915 - 1997)
Lengzêm hla lunglên thlâk leh hla thu lungkuai tak hmanga phuah thiam. Mizo innghahna tling
"Lungrualna hi ram leh hnam tan,
Himna kulhpui ber a lo ni." tih hla hmingthang phuahtu a ni.

Rev. Thangngûra (1891 - 1943)
Kristian hla thar phuah kawnga sûlsutu zinga mi, Krista tuarna runthlâk taka puangtu leh mite thinlung nghawr nghîng hial khawpa hla chul lo tur phuahtu a ni.

Zirsangzêla Hnamte (1952 - 2002)
Mizo nunphung lan iarna leh inbihchianna tham hlate phuaha, nun ngeia zu-nun-mawi lantir tura zofate fuihtu a ni.

PS Chawngthu (1922 - 2005)
Nula leh tlangvâl inhmangaihna rîl tak leh thilsiamte hi Pathian timawitu an nihzia hlaa hriltu, rimawi khawvela Zofate hmahruaitu a ni.