|
INFORMATION & PUBLICITY SUB-COMMITTEE, 2011-2013
P.C.Rozika, Chairman
Pu PC. Rozika hi Hlakungpui din tirh atanga tun thlenga Hlakungpui changtlun nana sulsutute zing ami niin tunah hian Committee puiah Vice Chairman niin Information & Publicity Sub-Committee ah Chairman a ni bawk a. A kaihhruaina hnuaiah Information & Publicity pawhin kan theih ang tawkin hma lâk mek a ni.
Address : Pathian Veng, Khawbung.
Phone : 03831-265001(R), 9436780753(M)
H.Lalnunmawia, Vice Chairman
Pu H.Lalnunmawia hi Hlakungpui din tan lai vel chuan naupang fel tawh tak niin, a lawm dan pawh mitthla pha ve rual a ni tawh. A nuam tirual tak pawl a ni nghe nghe. Hmun dangahte a awm bo hnuin tunah hian Khawbungah rawn kir lehin KHSS-ah Principal hna a chelh mek a ni.
Address : Pathian Veng, Khawbung.
Phone : 03831-265032(R), 9863221636(M)
Email ID : mapuia_hnamte@rediffmail.com
Samuel Malsawmtluanga, Secretary
Pu Samuel Malsawmtluanga hi erawh zawng Hlakungpui din tirh khan hnute a la nghei lo mai thei. Mahse tunah hian a hnârkaitute zingah awmin ngaihtuahna zawng zawng senga buaipuitu a lo ni ta der mai. Website designed tu ber, HTML leh Javascript-a kan specialist a ni.
Address : Pathian Veng, Khawbung.
Phone : 03831-265057
Email ID: samte_ms@rediffmail.com, smalsawmtluanga@gmail.com
Rodinpuii Fanai, Assistant Secretary
Nl.Rodinpuii Fanai hi YMA leh hlakungpui tana mi tangkai tak a ni a. Khawtlang pawhin kan chhawr tangkai hle. Information & Publicity pawh nasa takin min ti phuisui e.
Address : Khawpui Veng, Khawbung.
H.B.Lalnuntluanga, Treasurer
Pu H.B.Lalnuntluanga hi MGNREGS Cell, Khawbung R.D.Block-ah Computer Assistant-in a thawk męk a. Kan Fin.Secretary hmun danga a awm avangin a hna lo chhawk turin ruat thar a ni a. Computer works lamah min tiphuisuiin kan zang khai pui hle.
Address : Khawpui Veng, Khawbung.
Phone : 03831-265300(R), 9863661624(M)
Email ID : benjaminl_22@yahoo.co.in
TBC.Lalrohlua, Member
Pu TBC Lalrohlua hi pianpui thiamna nei tha tak, music leh computer lam pawh hawlkim tak a ni.Mahni hna leh chanvo a mi inpe zo tak leh mawng zang tak a nih avangin Information & Publicity-ah phei chuan kan tangkaipui leh zual hle.
Address : Saron Veng, Khawbung.
Phone : 03831-265156(R), 9863623037(M)
PC.Lalhmachhuana, Member
Pu PC.Lalhmachhuana hi tuna Khawbung Branch YMA Treasurer ni lai mek a ni a. Hlakungpui silver jubilee lawmna ah khan committee pui ah Treasurer hna a chelh bawk. Hlakungpui tana mi tangkai tak a ni in kawng hrang hrangah tha a thawh nasa hle bawk.
Address : Pathian Veng, Khawbung.
Phone : 9862570605(M)
F.Lalmuanawma, Member
Tv. F.Lalmuanawma hi Khawbung Higher Secondary School a Class XII zir lai a ni a. Tlangval thothang tha tak a ni in Information & Publicity chuan kan chhawr tangkai hle.
Address : Kawn Veng, Khawbung.
FH.Thangliana, Member
Tv. FH.Thangliana hi Khawbung Higher Secondary School a Class XII zir lai a ni a. Tlangval thothang tha tak a ni in Information & Publicity chuan kan chhawr tangkai hle.
Address : Bethel Veng, Khawbung.
| Tun lai khawvel hmasawnna mila Hlakungpui pawh hi tih hmasawn ve zel hi tihmakmawh a ngaiin Hlakungpui Committee chuan Information & Publicity Sub-Committee chu hma latu turin a ruat a; Information & Publicity chuan hna hmasaah Website siam a buaipui nghâl a. September 2009, thla chawhnu lam atanga tan in hma a la a. Domain buaipuiin ICT kal tlanga neih tum a ni a. Mahse Hlakungpui pual bik liau liauva Domain neih chu tha zawka kan hriat avangin Domain hi www.hlakungpui.com tih hminga lei a ni.
Silver Jubilee atana Information pek chhuahna tur atana kan hman duh avangin hna hmasa berah website upload dan tur ngaihtuah a ni a. Internet Connection tha kan neih veloh avangin Mobile handset chu modem-ah hmang in zankhaw tairek thlenga zan engemaw zat buaipui niin upload zawh theih a ni ta a. A hminga buaipuitu nih tâkah chuan kan lâwm tlâng hle, kan thaw huai mai.
Website design hi thil namailo tak leh hun heh tak mai a ni a. Hmanhmawh taka hna dang tul tamtak kara thil ti rum rum kan nih avangin phęk tin maiah famkim tawk lo leh phuailuai tak a la awm fur mai a. Chuvang chuan Information & Publicity chuan tih changtlun a chei that leh a hun tawh a hria in hna hmasa a neih leh a ni ta a. Tuna kan han cheithat pawh hian duhthu a la samlo hle in kan ring a. Zawi zawi a tih changtlun chhoh zel tum a ni bawk e.
Mizo Hlakungpui Mual hi mimal, pawl, khaw bing leh sorkar thawhchhuah ni lovin, ‘Mizote thawhchhuah’ a nih angin he Website pawh hi ‘Mizote siam’ ni turin Information & Publicity chuan a duh a, phungbawm a sawm bawk. Rawtna leh chanvo kan neih theihna apiangah inthlahrung hauh lova hma min lâkpui turin Zofate kan sawm tak meuh meuh a ni.
Tichuan kan thiamna leh hriatnate tawi hle mahse mi thahnemngaite thurawn kan dawn ang angte chu bawhzuiin tihchangtlun a ni chho ve ta zel a. Information & Publicity Sub-Committee chuan thurawn englai pawha lawm taka dawng turin a inpeih reng a ni.
Kan website chungchang a sawi duh leh rawt duh nei emaw, Information & Publicity te contact duh kan awm chuan a hnuaia form hmang hian contact theih kan ni e.
ABOUT US